ELTE BTK Magyar Nyelvtudományi és Finnugor Intézet

Якобчик, Оксана Евгеньевна

nyomtatható változat

Якобчук, Оксана (Кудымкар)

Перем крайись Коми-Пермяк кытшын томпöлöс политикаын механизммез (pdf)

2011 во январ медодзза лун лыддьӧм сьӧртi Перем крайись Коми-Пермяк кытшын олö том отир (14 восянь 30 воöдз) 34810 морт или 27% быдöс кытш (округ) пасьта олiссез коласын. Унажык томпöлöс (72,4%) олö селоэзын да деревняэзын, 9594 морт – карын.

Томпöлöс политика  сьöртi удж керсьö Перем крайись Коми-Пермяк кытшлӧн уджжез сьöртi министерствоöн   да  муниципалитеттэзöн.

2009 – 2010 воэзö томпöлöс политика одзын вöлi пуктöм мог, медбы  томмез  паськытжыка пондiсö участвуйтны округ пасьта мунiсь процессэзын, кöдна йитчöмöсь отирлiсь буржык олан дынö мунöмкöт,  национальнöй кыв да культура зоралöмкöт.

Механизммезöн, кöдна пыр вöлi керöм удж, лоисö:

– Быдкодь проекттэз реализуйтöм (Молодёжь Пармы подпроект, Парма – территория новых возможностей» проект);

– Министерствоöн  мукöд министерствокöт,  культура да образованнё учрежденнёэзкöт, общественнöй организацияэзкöт, муниципалитеттэзкöт öтласа удж.

Этна механизммез пыр 40% вылö содiсö томмезöн чулöтöм этнокультурнöй проекттэз; этнокультурнöй мероприятиеэз вылын кыкпöв содiс том отирлöн  лыд (2009 во – 5000 морт, 2010 во – 10000 морт); петiс Молодёжь Пармы журнал, финно-угорскöй  томпöлöс понда  вöлiсö аркмöтöмöсь образовательнöй да коммуникативнöй   площадкаэз да с.о.