ELTE BTK Magyar Nyelvtudományi és Finnugor Intézet

Никтонова, Татьяна

nyomtatható változat

Никтонова, Татьяна (Благовещенск)

Шочмо йылмым тунеммашын кӱлешлыкше нерген (pdf)

Кажне калыкын шке йылмыже уло. Нуно тӱрлӧ семын йоҥгат, мут поянлыкыштат ойыртемалтеш. Туге гынат, кажне еҥлан шке шочмо йылмыже лишыл да шерге. Ме чыланат эн ончыч тудлан эҥертен, шӱм-чон почын мутланаш, уым пален налаш тунемына. Йылме – тиде калыкын эн кугу поянлыкше, моло пошкудо калык деч ойыртемже. Тыгай шонымашан, И. Г. Иванов марий профессорын Ончыко журналыште печатлыме статьяже кажне лудшын чонжым авалтен.

Кызытсе вашталт толшо илышыште шочмо йылмым тунеммашын кӱлешлыкше нерген ятыр ойлалтеш. Пошкырт кундемыште илыше калык-влакын йылмышт нерген закон негызеш кугыжаныш кӱкшытыштӧ ятыр мероприятий эртаралтеш, тӱрлӧ йодыш рашемдалтеш.

Ме, марий калык, поснак кушкын толшо самырык тукым, тидым раш умылен моштышаш улына. Но чӱчкыдын шке йылмына деч вожылына, рушла кутыралтена. Шонем, кеч ала-кӧ тый лий: тӱвыра пашаеҥ, туныктышо але пашазе – шке шочмо йылмым палышаш, аралышаш улат. Жап эртен, тыгай кумыл шӱм-чонышто шкеак шочеш, конешне.

Вет школышто туныктымо чыла предмет кокла гыч уш-акыл вияҥдыме шот дене шочмо йылме эн ончылно шога. Лач тидым йочалан жапыште умылтараш кӱлеш.