ELTE BTK Magyar Nyelvtudományi és Finnugor Intézet

Некрасов, Александр

nyomtatható változat

Некрасов, Александр (Сыктывкар)

Финн-угор кывъяс кузя  туялан небöгъяс  öтуввез небöг видзанiнъясын (роч кывъя юкöн) (pdf)

 Öтуввезлöн тöдчанлуныс да коланлуныс лунысь-лун пыр содö. Сэтчö чукöртöма уна информация ресурс тшöтш и финн-угор кывъяс да войтыр кузя. Финн-угор кывъяс кузя небöгъяс позьö аддзыны кык сикас ресурысь:

а) финн-угор кывъяслы да войтырлы сиöм öтуввез ресурсъясысь: (http://fulib.ru, http://finno-ugry.ru, http://finugor.ru, http://www.finnougoria.ru, http://udmurt.info, http://www.nbrkomi.ru, http://www.marlamuter.org, http://www.library.saransk.ru, http://fulr.karelia.ru, http://www.vepsia.ru  да с.в.);

б) öтуввез небöг видзаiнъясысь (http://leb.nlr.ru, http://www.prlib.ru, http://uz-translations.net, www.twirpx.com, http://uchyu.ru, http://www.turklib.com, www.knigka.su да с. в.).

Öтуввез небöг видзанiнъясын эмöсь каталогъяс да тырвыйö текста ресурсъяс. Текста ресурсъяс пиö пыртöма:  а) небöгъяс; б) газет-журналъяс; в) диссертацияяс да авторефератъяс.  Öткымын  ресурс позьö сöмын лыддьыны, мукöдлаысь позьö тшöтш перйыны небöгсö. Небöгъяс сетöма HTML либö PDF форматын, шочджыка графика форматын. Унджык ресурсöн позьö вöдитчыны дон босьттöг, диссертацияöн да авторефератöн унджыкысьсö позьö тöдмасьны сöмын мынтысьöм бöрын.

Öтуввезö  пыртöм финн-угор небöгъясысь унджыкыс велöдчан небöг да кык кывъя кывкуд, шоча позьö аддзыны туялан небöг. Бурторйöн лоö сiйö, мый öтуввезö пыртöма XIX нэмö йöзöдлöм небöгъяс, торйöн нин медводдза грамматикаяс, кодъясöс оз позь нин аддзыны лыддьысянiнъясысь.  

Öтуввез небöг видзанiнъяслöн тöдчанлуныс сыын, мый öдйö, кад  воштытöг позьö аддзыны колана небöг. Сöмын абу став небöгсö на пыртöма сэтчö. Небöг видзанiнъясын кор-сюрö абуöсь каталогъяс, тайö сьöктöдö корсьöмсö. Колö öтувтны финн-угор кывъяс кузя ресурсъяссö «Электронная финно-угорская библиотека»-ö (http://fulib.ru),  вайöдны сэтчöн мукöд ресуръяс вылö ыстысьöмъяс.