ELTE BTK Magyar Nyelvtudományi és Finnugor Intézet

Ласточкина, Елена

nyomtatható változat

Ласточкина, Елена (Йошкар-Ола)

Марий йылмыште омоним (pdf)

Йылмышанчын лексикологий ужашыштыже омоним посна верым налын шога. Омоним йодыш - лексикологийын ик эн тÿҥ проблемыже - мут теорий дене пеҥгыдын кылдалт шога. Омонимым тунемде, мо тугай мут, кушто тудын ойыртемже, границыже – нине йодыш-влаклан вашмутым пуаш огеш лий. Омонимым келгын пален, шымлен налмаш лексикографический пашамат сайын виктараш йöным пуа. Ик семын каласалтше да возалтше, но лексический значенийышт дене йöршеш ойыртемалтше мут-влакым омоним маныт.

Йылмыште омонимым полисемий деч ойырен моштыман, тидым ышташлан шым принцип полша: семантике пале, омоним мужырын членже-влак тÿрлö синоним радамыш пурат, кÿэмалтше ойсавыртышым кычалмаш, морфолого-словообразовательный, омоним ден полисемийым ойыраш грамматике полша, мутын этимологийже йӧным ышта, рушлаш але вес йылмыш кусарымаш.

Марий йылмыште омоним ныл тÿшкалан шелалтеш: лексический омоним, омоформо (морфологический омоним), омофон, омограф.

Омоним шкенжым тӱрлӧ вере палдара: фонетикыште (омофон), мут ышталмаште, морфологийыште. Сандене фонетический, морфологический омоним улмо нерген ойлаш амал уло. Омоним шкенжым сылнымутыштат ончыкта. Нуно утларакшым рифмым келыштарат, южыжо тӱҥ шонымашым почын пуаш полшат. Почеламутлаште лексичекский омоним, омоформо, омограф, омофон-влакым шымлыме. Эн кумдан омоформо-влак шарленыт.