ELTE BTK Magyar Nyelvtudományi és Finnugor Intézet

Кирдяшкина - Гришунина

nyomtatható változat

Кирдяшкина, Екатерина - Гришунина, Валентина (Саранск)

Венгрань le- префикс мархта глаголхнень мокшень кяльса няфтевомасна (pdf)

Венгрань кяльса лувондови лама приставка. Тевозень эса вановихть венгрань le-  приставка мархта глаголхне и синь няфтевомасна мокшень кяльса. К. Е. Майтинскаять коряс, le- приставкась кандови омбоце приставкань группати (сембоц явондовихть колма группат), тиевсть le-  наречияста,  васенце смузец – алу ала. Сембода сидеста приставкась няфти алу ширети мольфтеви тевонь тиевома. Мокшень кяльса алу ширети мольфтеви тевть няфтевоманцты сявондеви алу, алга, алда, ала валмельгакссь. Тиевомань коряс сон лувондови наречиянь валмельгаксокс. Алу шарфтф тевонь тиевомань, мольфтевомань смузть коряс le- венгрань приставкась и мокшень кялень алу послелогсь фкялацоннет. Венгрань приставкась максы лия смузь глаголти, полафтсы сонь, мокшень кялень алу валмельгкссь аньцек няфтьсы кона ширети шарфтф мольфтеви тиевомась. 150-да лама глагол ванфоль валксста (Mészáros Edit (szerk.): Magyar-erza-mordvin szótár. Szeged, 2008), сембоц комсь нилесь няфтихть алу тевонь тиевома. Ваномок синь, сафоль мяльс што кафкса le-приставка мархта глаголхне мокшень кяльса структурань ширде няфтевихть кода:  инфинитив + валмельгакс алу: leáll валгомс алу, leállít путомс алу, lehajt комафтомс, нолдамс алу’, lehord каннемс алу, lehorgaszt нолдамс алу, lehúz ускомс алу, lenéz ваномс алу, lerohan ласькомс алу,  leugrik комотемс алу, levisz кандомс алу. Няфтевихть синь тяфта жа кода инфинитив  алу валмельгаксфтома: leereszkedik валгомс, leereszt валхтомс, lemászik  валгомс, lemegy валгомс, leszállít валхтомс, leül озамс, leüt прафтомс.