ELTE BTK Magyar Nyelvtudományi és Finnugor Intézet

Калинкина, Ольга

nyomtatható változat

Калинкина, Ольга (Саранск)

Эрзянь кельсэ тикшень лемтнень теевема ёнксонь китне-янтнэ

(Р. Н. Бузаковань Тикшень валкс валксонть коряс) (pdf)

Минек докладонть икеле путозь истямо кевкстема: кодат кить-янт тевс нолдавить эрзянь кельсэ тикшень лемтнень теевемстэ. Те тевенть топавтомга минь саинек Р. Н. Бузаковань Тикшень валкс (1996) валксонть. Сонзэ эйс совавтозь 600 ламо тикшень лемть, конатне пурназельть Пензинской, Ульяновской, Нижегородской, Саратовской, Оренбургской областнесэ, Башкортостансо, Татарстансо ды Мордовиянь лaмо районтнэсэ улемстэ. Минь ваннынек истят теевема ёнкст:

1. Суффикс вельде теевемат:

-кс: паломс→пала-кс ’крапива’, ламарь→ламарь-кс ’черемуха’; -ина/-рина: вишня→вишня-рина ’вишня’, умарь→умар-ина ’яблоня’; -кай: варма→вармань-кай ’первоцвет лекарственный’, кальдердемс→кальдерь-кай ’смолёвка-хлопушка’, сэнь→сэнькай ’подснежник белоснежный’; -ка: лакштяем-ка ’смолёвка обыкновенная’, киска→кискань-ка ’щавель курчавый’, ризаня→ризань-ка ’щавель густой’.

 2. Аффиксоид вельде теевемат: -марь: нар-марь ’клубника’; -пуло: чеядавксонь уронь-пуло ’хвощ болотный’; -пря: чавкань-пря ’клевер луговой’.

3. Стакалгавтозь валтнэнь тевс нолдамост. Cынст коряс монь мелем ули ваномс васня стакалгавтозтнень: мастумарь „мастор + умарь” ’земляника’, а мейле - номинанттнэнь. Седе сеедьстэ тикшень лемтнень теемстэ саевить номинанттнэ. Сынст теевема ёнкстнэнь ванномсто минь явинек малав 25 модельть. Сехте продуктивнойтне истят: 1. сущ.ном + сущ.ном: аварькай тикше ’плакун-трава’, пиче нупонь ’кукушкин лен’.  2. сущ.ген. + сущ.: алашань анис ’петрушка кудрявая’, овтонь баляга ’подснежник’, сярдонь кель ’девясил высокий’. 3. прил. + сущ.: идем кансть ’конопля сорная’, ормаза тикше ’белена черная’. 4. прил. + сущ. + сущ.: сырнень ундокс тикше ’родиола розовая’, сэнь пря тветка ’василек’. 5. сущ. + сущ. + сущ.: катка репс тветка ’пеларгония’, кружова лопа тикше ’тысячелистник обыкновенный’, пизёл лопа тикше ’лепчатка гусиная’. 5. Кавонзазь валтнэ тевс нолдавить пек чуросто. Валкссонть вастовить эйстэст ансяк: изель-вазель ’вязель разноцветный’, дарят-марят ’марьянник дубравный’, ванят-марят ’иван-да-марья’, пена-лопена ’купена многоцветная’.

Кода несынек, тикшень лемтне эрзянь кельсэ теевить суффикс вельде, аффиксоид вельде, кавонзазь валтнэнь ды номинанттнэнь тевс нолдамсто.