ELTE BTK Magyar Nyelvtudományi és Finnugor Intézet

Ермаковa, Мария Николаевна

nyomtatható változat

Ермакова, Мария (Кудымкар)

Коми-пермяцкöй кыв сьöртi начальнöй школа понда велöтчан небöггезлöн этнокультуроведческöй контекст (pdf)

Чужан кылö велöтöмын ыджыт дон сетсьö этнокультуроведческöй торлö, кöда лоö медшöр средствоöн духовно-нравственнöй мир да национальнöй самосознаннё зорöтöмын.

Öддьöн коланаöн этнокультуроведческöй пытшкöса материал урок вылö пыртöм лоö медодзза классэзын,  кöр аркмöтсьö кыв компетенциялöн основа, и сылöн зоралöм бура йитöм этнокультурнöй образованнёкöт. Петö, мый коми-пермяцкöй кыв сьöртi уроккез вылын öтлаын кыв йылiсь тöдöммезкöт колö тöдсöтны отирлöн историяöн, обычайезöн да традицияэзöн.

Этнокультурнöй лексика урокӧ пыртöм отсалö лэбтыны  сёрни культура, зорöтö интерес чужан кыв дынö да ас отирлöн культура дынö. Челядьöс велöтöмö отирлöн культура йылiсь материал пыртöм  видзö ас пытшкас уна быдкодь воспитательнöй моггез:

- формируйтö базовöй культура да образованнё, зорöтö велöтчисьöс быд ладорсянь;

- сетö отсöт ас зоралöмын;

- отсалö вежöр, лов, мывкыд зорöтöмын;

- зорöтö велöтчиссезöс нравственнöй ладорсянь;

- пыртö оланö народнöй педагогикалiсь  традицияэз и ны отсöтöн тöдсöтö отир культураöн.

Коми-пермяцкöй кыв сьöртi велöтчан небöггез бöрйöм (Коми-пермяцкöй кыв, 2 класс 2008, Коми-пермяцкöй кыв, 3 класс, 2009, Коми-пермяцкöй кыв, 4 класс, 2010) мыччалiс, что нiя видзöны ас пытшканыс этнокультуроведческöй материал сэтшöм темаэз сьöртi: коми-пермяцкöй керку, дозмук, сёяннэз, паськöм, уджалан торрез, вежалуннэз да обычайез, фразеологизммез, пословицаэз, загадкаэз, приметаэз.

2–4 классэз понда коми-пермяцкöй кыв сьöртi небöггезö этнокультуроведческöй материал пыртöм  текст,  фразеологизммез, пословицаэз, загадкаэз, приметаэз отсöтöн. Этнокультуроведческöй компетенция зорöтöм сьöртi уджын отсöтöн лоöны 40 текст, кöдна тöдсöтöны отирлöн вужжезöн да зорöтöны лингвистическöй кужöммез. Сэтшöм мывкыда тексттэз позьö пыртны уроклöн быд торö: виль материал велöтiкö, повтореннё да закрепленнё коста, а сiдзжö диктанттэз да изложеннёэз гижикö.

Велöтчан небöггезö пыртöмась тексттэз, кöдна тöдсöтöны и финно-угорскöй отирлöн культураöн. Сiдзжö ыджыт дон этнокультуроведческöй компетенция зорöтöмын видзöны ас пытшканыс 43 серпас да фотография. Петö, что коми-пермяцкöй кыв сьöртi велöтчан небöггез тыртöны ассиныс моггез этнокультуроведческöй компетенция оланö пыртöм сьöртi.