ELTE BTK Magyar Nyelvtudományi és Finnugor Intézet

Емельянова, Анна Александровна

nyomtatható változat

Емельянова, Анна (Ижкар)

Удмурт кунын Кылъёсъя катлэн кутüськемез сярысь (pdf)

Туала аръёсы удмурт интеллигенция сюлмаськыны кутскиз егитъёслэн кылъёс шоры мукет сямен учкемзылы но удмурт кылэз азинтüсьёслэн лыдзы ӧжытомемлы. Со сярысь верамын Удмурт Элькунысь Нациосын ужан политикая министрлэн                        В. Н. Завалинлэн докладаз. Кылсярысь, министерстволэн ортчем коллегияз со пусйиз: „Али дыре калыкез кыл возьматыны кулэ. Сое вунэтыса, адями аслэсьтыз асваламзэ мукет пала берыктыны кутске”. Министрлэн верамезья, Удмурт Элькунын Кылъёсъя кат но сое улонэ пыӵатон программа, кудüз кутэмын вал 2004-тü арын, юрттозы быдэстыны пӧртэм ужрадъёсты.

Та программа Удмуртиысь кун кылъёсты – удмурт но ӟуч кылэз –нуналысь нуналэ кутыны, озьы ик мукет калыкъёслэсь, кудъёсыз уло асьме элькунамы, асваланзэс вылüе ӝутыны юрттэ. Нош кун катлэсь пӧртэм положениоссэ улонэ пыӵатыны юрттэ мукетыз программа, кудзэ Удмурт Элькунлэн Кун Кенешез 2005–2009-тü арёслы кутüз вал. Удмурт Элькунын со луэ нырысетüез эскерон, кудüз калыкъёслэсь пӧртэм малпанъёссэс, кулэяськонзэс сэрттыны-пертчыны юрттэ. Али дасямын кыкетüез сыӵе программа. Отын одно ик пыртэмын луозы калыкъёслэн кылъя катъёссы.

1995-тü арын Удмурт Элькунысь азьмуртлэн указэныз кылдэтэмын вал удмурт нимкылъёсъя но шонер гожъяськонъя элькун ӧри. Туннэ нуналозь соин юнматэмын но улонэ пыӵатэмын куатьсюлэсь ятыр выль нимкылъёс. Ӟуч но удмурт кун кылъёслэн кутüськемзы шӧдüське ини, кылсярысь, сюрес вылысь гуртъёсты, шуръёсты возьматüсь пусъёс али гожъямын удмурт но ӟуч кылъёсын.

2005–2009-тü аръёсы удмурт, ӟуч, мари но бигер кылъёсын куамынлэсь ятыр книгаос поттэмын вал. Кун кылъёсты утёнъя Удмурт Элькунлэн катэз быдэстоно ужъёсыз пӧлы пыртэ Удмурт Элькунын улüсь калыкъёслы улыны но азинскыны огкадь умой луонлыкъёс кылдытыны, йӧскалык данзэс ӝутыны, лулчеберет но гожъяськет удысъёсын басьтэм азинсконъёссэс утьыны, озьы ик бадӟымгес лыдын улüсь йӧскалыкъёслэсь (бигер, мари но мукет калыкъёслэсь) кыл но лулчеберет ласянь кулэяськонъёссэс быдэсъяны.