ELTE BTK Magyar Nyelvtudományi és Finnugor Intézet

Асташина, Валентина

nyomtatható változat

Асташина, Валентина (Саранск)

Пензань областень эрзянь кортавкстнэсэ невтемачинь суффикстнэнь авейкетьксчист (Х. Паасоненэнь сёрмадовксонзо ды эсензэ авторонть ванноманзо-пурнамонзо коряс) (pdf)

Неень шкань Пензань областень эрзянь велень кортавкстнэ кармить улеме човорязь эрзянь-мокшонь кортавксокс. Секскак сынст келень башка ёнкстнэнь эрьва ёндо ванномаст карми улеме пек интереснойкс ды эрявиксэкс. Тесэ вастовить кода эрзянь истя мокшонь келень ёнкст. Те парсте неяви существительноень  невтемачинь парадигматнень ваннозь.

 Эрзянь кельсэ невтемачинь суффикстнэ кандовить финно-угрань кельюронь *s-, *t-, *n- невтемань местоимениятненень. Падежень парадигматнесэ неть морфематнень тевс нолдамост эрзянь диалектэнь ареалсонть аволь вейкеть. Истя эрзянь литературной кельсэнть кодифицированной морфемакс лововить вейкень числасо: номинативсэ  –сь, генитивсэ –ть, косвенной падежтнесэ -нть; ламонь числасо весе парадигмасонть –(-т)не. Эрзянь диалектэнь ареалсонть вастневить истят невтемачинь суффикст: 1. -ś, -ť, -ńť, (-ť)ńe; 2. -ś, -ť, -śť, -(ť)ńe; 3. -ś, -ś/-ź, -śť, -(ť)ńe; 4. -ś, -ť, -(ť)ńe.

Эрзянь литературной кельсэнть ды Пензань эрзянь диалектнэсэ ды кортавкстнэсэ вейкень числань невтемачинь суффикс марто падежень  валонь форматнень структураст аволь вейкеть. Истя вейкень числань косвенной падежень форматнесэ падежень маркертнэ аштить невтемачинь морфематнень икеле. Саемга: номинатив э.л кудо-сь, д.ф. kudo-ś, kudi-ś, kude-ś, kut-ś; генитив э.л. кудо-н-ть, д.ф. kudo-ń-ť, kudo-ś-ť, kudi-ź-e-ń, kudi-ť; датив э.л. кудо-нт-ень, д.ф.  kudo-ńť-eń, kudo-śť-eń, kudi-źe,kudi-ť-i, kut-ť-i; аблатив э.л. кудо-до-нть, д.ф. kudo-do-ńť, kudo-do-śť, kudi-źe, kudi-ť äzda,kut-ť ezda; инессив э.л. кудо-со-нть, д.ф. kudo-so-ńť, kudo-so-śť, kudo-śe, kudi-ť äzda, kut-ť esa ды седе тов.